Mitrovicë, 23 nëntor - Komuna e Mitrovicës ka bërë hapa të mëdhenj për përmirësimin e kushteve për të bërë biznes.

Kështu deklaroi, Rrustem Abiti, drejtor për Financa dhe Zhvillim Ekonomik në Komunën e Mitrovicës, në një takim në kuadër të “Ditëve të biznesit të vogël” të organizuar nga Ministria e Tregtisë dhe Industrisë në Mitrovicë.

Ai tha se Komuna e Mitrovicës, ka shkurtuar procedurat për regjistrimin e bizneseve dhe për këtë përmendi edhe mirënjohjen që i është ndarë kësaj komune.

“Kemi ecur mjaft mirë edhe me Parkun e Bizneseve në kuadër të të cilit tash veprojnë 22 biznese”.
 
Në këtë takim u ndanë edhe mirënjohje për tri kompanitë e para të rajonit të Mitrovicës sa i përket konkurrencës. Çmimin e parë e mori kompania “Pestova”, të dytin  kompania “Kotex” dhe të tretin kompania “Arjeta”.