Prishtinë 29 dhjetor - Kuvendi i Republikës së Kosovës në seancën e sotme ka miratuar Ligji për Faljen e Borxheve.

Ky Ligj ka qenë në fuqi nga shtatori i vitit 2015 deri në shtator të këtij viti.

Më vonë Ministria e Financave kishte propozuar që të shtyhet afati për shlyerjen borxheve.

Sipas Ligjit për faljen e borxheve për periudhën deri më 31 dhjetor 2008, kanë mundur të përfitojnë të gjithë personat të cilët kanë obligime të pashlyera ndaj institucioneve shtetërore dhe ndërmarrjeve publike, me kusht që të njëjtit të kryejnë pagesën e plotë të obligimeve për periudhën nga 1 janar 2009 deri më 31 dhjetor 2014.