Prishtinë, 20 mars - Në vijim të masave për kujdes të shtuar, sipas rekomandimeve të institucioneve shëndetësore kompetente, pas takimit të sotëm të Grupit Ndërinstitucional për Menaxhimin e Incidenteve, Ministria e Financave dhe Transfereve së bashku me Thesarin si anëtarë të këtij grupi kanë rekomanduar qytetarët të shmangin vizitat në degët bankare dhe zyra të shërbimeve të pagesave.
 
Po ashtu ministria kërkon nga qytetaret po ashtu të reduktojnë apo eliminojnë krejtësisht përdorimin e parasë se gatshme si dhe të përdorin sa më shumë kartelat bankare për blerje si dhe pajisjet elektronike për tërheqje 

Gjithashtu, nga bankat dhe institucionet e autorizuara për pagesa kërkohet që të vazhdojnë të dezinfektojnë sa më shpesh pajisjet dhe paratë e gatshme që janë në qarkullim, që të jenë sa me të sigurta për përdorim nga qytetarët.