Prishtinë, 16 maj - Sot në Prishtinë do të qëndroj për vizitë zyrtare delegacioni së Ministrisë së Financave të Republikës së Shqipërisë, i prirë nga Ministri Arben Ahmetaj, të cilin do ta pret Ministri i Financave Avdullah Hoti.
 
Në kuadër të vizitës do të mbahet edhe tryeza “Dialogu ndërshtetëror: Të bërit biznes - sfidat e qasjes në tregjet respektive”.

Në këtë tryezë do të marrin pjesë delegacioni i Ministrisë së Financave të Republikës së Kosovës i kryesuar nga ministri i Financave Avdullah Hoti, delegacioni i Ministrisë së Financave të Republikës së Shqipërisë i kryesuar nga  ministri i Financave Arben Ahmetaj,  si dhe përfaqësues të odave/dhomave ekonomike të të dy vendeve.