Prishtinë, 28 mars - Me ftesë të Ministrit të financave, Besim Beqaj sot vjen në Kosovë ministri i Financave i Shqipërisë, Skelqim Cani.

Pas takimit  dy ministrat do të nënshkruajnë dy marrëveshje për heqjen e Tatimit të Vlerës së Shtuar në import për librat, produktet e përafërta me librin, gazetat, revistat, periodikët si dhe materialet e ngjashme të shtypit të publikuara në Republikën e Shqipërisë apo në Republikën e Kosovës” dhe  “Marrëveshjen ndërmjet Këshillit të Ministrave të Republikës së Shqipërisë dhe Qeverisë së Republikës së Kosovës për Shmangien e Tatimit të Dyfishtë lidhur me Tatimet mbi të Ardhurat dhe mbi Kapitalin dhe për Parandalimin e Evazionit Fiskal”.