Prishtinë, 9 mars - Ministri i Financave Avdullah Hoti vizitoi sot Zyrën rajonale të Administratës Tatimore të Kosovës në Ferizajt, ku u prit nga Menaxheri i Zyrës rajonale të ATK-së në Ferizaj Avdi Jakupi.
 
Gjatë takimit u diskutua për reformat në Administratën Tatimore të Kosovës, zhvillimin e të hyrave tatimore në këtë Komunë, ofrimin e shërbimeve më të mira për tatimpaguesit, si dhe për luftimin e ekonomisë joformale.
 
Gjithashtu gjatë takimit u diskutua edhe për Pakon fiskale 2.0, si dhe për përgatitjet e Administratës Tatimore të Kosovës për edukimin dhe informimin e tatimpagueseve sa i përket implementimit të kësaj pako në të ardhmen.