Prishtinë, 6 prill - Zëvendëskryeministri dhe Ministri i Financave të Republikës së Maqedonisë, Zoran Stavreski, sot do të vizitojë zyrtarisht Republikën e Kosovës, ku do të nënshkruaj marrëveshjem për shmangien nga tatimi i dyfishtë në mes të dy shteteve.

Ministria maqedonas pritet të takohet me Zëvendëskryeministren e Republikës së Kosovës, znj. Mimoza Kusari - Lila dhe me Ministrin e Financave, Bedri Hamza.

Me këtë rast do të mbahet edhe ceremonia e nënshkrimit të marrëveshjes për shmangien nga tatimi i dyfishtë në mes shteteve, ku marrëveshja do të nënshkruhet nga Ministri i Financave të Republikës së Kosovës, Bedri Hamza dhe nga Zëvendëskryeministri dhe Ministri i Financave  të Republikës së Maqedonisë, Zoran Stavreski.

Po ashtu do te mbahet edhe takimi bilateral në mes dy delegacioneve shtetërore.