Prishtinë, 23 maj - Ministri i Financave Besim Beqaj, ka filluar sot zyrtarisht detyrën e Ministrit të  Ministrisë së Financave.

Në takimin  zyrtar me zëvendësministrin e Financave Ramadan Avdiu dhe stafin menaxhues të kësaj ministrie, ka pranuar detyrën e re të Ministrit të Financave .

Gjatë dorëzimit të detyrës së ministrit të Financave, z. Avdiu e njoftoi ministrin e ri të Financave, Besim Beqaj për aktivitetin e Ministrisë së Financave por edhe me sfidat që e presin  në të ardhmen këtë ministri.

Z. Avdiu e përgëzoi z. Beqaj  për detyrën e re dhe i uroj sukses në angazhimet e tij si Ministër i Financave.

Ndërsa, ministri Besim Beqaj falënderoi zëvendësministrin Ramadan Avdiu dhe stafin menaxhues të Ministrisë për pritjen e ngrohtë dhe shprehi gatishmërinë e tij për bashkëpunim të ndërsjellët me qëllim të realizimit të politikave të Qeverisë së Republikës së Kosovës.