Prishtinë, 9 janar - Partitë politike gjatë fushatës elektorale në zgjedhjet lokale të 2013-s në Kosovë dihet se kanë shpenzuar miliona euro.

Ndërsa partitë më të mëdha politike, të cilat kanë shkuar në balotazh në raundin e dytë të zgjedhjeve, janë “kampione” të shpenzimeve në garën elektorale.

Ndonëse, ka mbetur vetëm edhe një javë kohë që t’i dorëzojnë raportet e shpenzimeve të krijuara gjatë fushatës elektorale, subjektet politike hezitojnë t’i tregojnë shumat që kanë shpenzuar me arsyetimin se janë në përgatitje e sipër të këtyre raporteve.

Ata thonë se brenda afatit të papashikuar, respektivisht deri më 15 janar 2014, që është edhe dita e fundit e dorëzimit të raportit financiar do t’i bëjnë publike të gjitha harxhimet e tyre gjatë fushatës elektorale për zgjedhjet lokale të 2013-s, njofton \"Zëri\"

Zyrtarë të partisë të kryeministrit Hashim Thaçi e as të partisë në koalicion me të AKR, asnjëra prej tyre nuk tregon shpenzimet elektorale para 15 janarit.

/Zëri/