Prishtinë, 21 mars - Angazhimi i dy kompanive të njohura amerikane për lobim nga ana e Qeverisë së Kosovës shihet si domosdoshmëri dhe nevojë në këtë kohë për të forcuar pozitën ndërkombëtare të Kosovës.

Rezultatet më të mëdha të dy kompanive lobuese “Patton Boggs LLP” dhe “Podesta Group” që paguhen nga Ministria e Jashtme dhe ajo e Zhvillimit Ekonomik mbi 1 milion euro në vit, vërehen në aranzhimin e takimeve për krerët e institucioneve të Kosovës në Shtetet e Bashkuara të Amerikës.

Një burim gazetës “Tribunës” brenda Qeverisë së Kosovës ka treguar me kusht anonimiteti se kompanitë “Patton Boggs LLP” dhe “Podesta Group” i kanë ndihmuar kryeministrit Hashim Thaçi dhe presidentes Atifete Jahjaga për t’u takuar me zyrtarë të lartë të Shtëpisë së Bardhë deri te sekretarja e Shtetit.