Prishtinë, 5 maj - Ministria e Financave dhe Banka Qendrore e Kosovës do të organizoj sot pritje protokollare me rastin e vizitës së Përfaqësuesve të Konstituencave të Fondit Monetar Ndërkombëtar dhe Bankës Botërore.

Për herë të parë pas anëtarësimit të Kosovës në Fondin Monetar Ndërkombëtar dhe në Bankën Botërore në vitin 2009 si anëtar me të drejta të plota, në Prishtinë do të zhvillohen punimet e mbledhjeve vjetore të Konstituencave të Fondit Monetar Ndërkombëtar dhe Bankës Botërore.

Punimet e Konstituencave të FMN-së dhe Bankës Botërore po organizohen nga Ministria e Financave si dhe Banka Qendrore e Kosovës.

Pritja e përfaqësuesve  të Konstituencave të Fondit Monetar Ndërkombëtar dhe Bankës Botërore, do të bëhet nga ministri i Financave Avdullah Hoti dhe guvernatori i Bankës Qendrore të Kosovës Bedri Hamza.