Paris, 5 dhjetor - Kancelarja gjermane Angela Merkel dhe presidenti i Francës Nicolas Sarkozy do të prezantojnë sot në Paris strategjinë e tyre për tejkalimin e krizës së borxheve.

Koncepti parashikon një union të përbashkët fiskal dhe masa automatike ndëshkimi për vendet që nuk i respektojnë rregullat e stabilitetit të buxhetit.

Për këto masa Merkel dhe Sarkozy janë të një mendimi, por jo edhe për kërkesën e kancelares gjermane që të forcohet autoriteti i institucioneve evropiane, dhe që ato të kenë të drejtën e ndërhyrjes në buxhetet e vendeve me borxhe tepër të mëdha.