Prishtinë, 15 qershor - Organizuar nga Oda Ekonomike e Kosovës dhe Oda Ekonomike e Serbisë dhe përkrahur Oda Ekonomike Evropiane dhe Oda Ekonomike e Austrisë, më 16 qershor në Vjenë mbahet takimi i kryetarëve të Odave Ekonomike të rajonit në kuadër të përgatitjeve për takimin e Vjenës në nivelim më të lartë i cili do të mbahet më 27 gusht dhe do ti kushtohet Ballkanin Perëndimor. 

Në takim do të bisedohet lidhur me krijimin e kushteve sa më të mira për bashkëpunim në mes të subjekteve ekonomike në vendet e regjionit veç e veç dhe regjionit në tërësi  dhe të arrihet deri të një plan akcional të aktiviteteve të përbashkëta të vendeve të regjionit, ka deklaruar kryetari i OEK-ut, Safet Gërxhaliu.

Ai ka theksuar se ky takim do të jetë edhe një kontribut konkret procesit të Berlinit të udhëhequr nga kancelarja gjermane Angela Merkel.

Në takim marrin pjesë kryetarët e Odave Ekonomike të rajonit si dhe përfaqësuesit Od[s Ekonomike të Austrisë, Gjermanisë dhe në rolin e mysafirit të veçantë kryetari i Odës Ekonomike të Turqisë

Përfaqësuesit e OE t[ Ballkanit Perëndimor marrin pjesë edhe në tubimin “Ofanziva investuese e UE-së“ të cilin e organizojnë Komisioni Evropian dhe Banka Investuese Evropiane.

Ky takim do të jet[ rast i mirë që edhe përfaqësuesit e Odave Ekonomike të cilat nuk janë anëtare të UE-së të njihen me planet investuese evropiane  dhe të vënë kontaktet të drejtpërdrejta me institucionet financiare te UE-së dhe afaristët nga Austria.