Shkup, 17 tetor - Raporti vjetor mbi varfërinë dhe përjashtimit social në Maqedoni tregon një ndryshim të madh mes rajoneve dhe komunave në Maqedoni në aspektin e qasjes në shërbimet e sistemit të sigurimeve shoqërore, papunësisë dhe qasje në arsim.

Në vitin 2011 në Maqedoni u mat një shkallë e lartë e varfërisë që arrinte 31 përqind, që do të thotë se çdo i treti në Maqedoni është i varfër.

Të analizuara janë tetë komuna – Shtip, Strugë, Strumicë, Prilep, Gostivar, Kumanovë, Veles dhe Kisella Voda e Shkupit.

Të përfshira janë të gjitha rajonet e Maqedonisë. Sipas ambasadorit austriak Thomas Bayer, nuk ekzistojnë masa universale që mund të aplikohen, por tha se ky raport është një bazë e mirë për autoritetet kompetente në luftën kundër varfërisë.