Prishtinë, 15 shkurt - Në kuadër të angazhimeve të institucioneve të Kosovës, përkatësisht  mbështetjes për komunat e Kosovës, Ministria e Administrimit të Pushtetit Lokal ka shpërndarë në Veri të Mitrovicës  stufa elektrike dhe frigoriferë për familjet në gjendje të rëndë sociale.

Pajisjet teknike janë shpërndarë me ndihmën e Ekipit Përgatitor Komunal që vepron në Veri të Mitrovicës, ndërsa mjetet për këtë aktivitet janë siguruar nga Ministria e Administrimit të Pushtetit Lokal, me ç’rast janë shpërndarë 125 stufa elektrike dhe 50 frigoriferë.

Aktiviteti i MAPL-së është ndërmarrë pas identifikimit të nevojave të qytetarëve të Veriut të Mitrovicës, nga ana e Ekipit Përgatitor Komunal.

Aktiviteti i MAPL-së do të  vazhdojë dhe  javën e ardhshme me shpërndarjen e paketave humanitare ku  përfitues janë  familjet në nevojë, të identifikuara nga Ekipi Përgatitor Komunal.