Prishtinë, 3 shkurt - Zëvendësministri i Ministrisë së Administrimit të Pushtetit Lokal, z. Bajram Gecaj,  ka nënshkruar marrëveshje mirëkuptimi me Kryetarin e Komunës së Lipjanit, z. Imri Ahmeti  për realizimin e projektit “Ndërtimi i trotuarit me ndriçim publik në fshatin Smallushë, komuna e Lipjanit“.

Në kuadër të mbështetjes financiare për komunat, Ministria së e Administrimit të Pushtetit Lokal, do të vazhdojë nënshkrimin e Marrëveshjeve të Mirëkuptimit  edhe me komunat tjera të Kosovës.

Projektet janë të orientuara në ndërtimin e infrastrukturës rrugore, ndriçimi publik, platformës për ofrimin e informacioneve mbi lokacionet turistike, shenjëzimin  e  shtigjeve dhe rrugëve malore, ndërtimin e fushave sportive, dhe projekte të tjera me interes për Komunat dhe qytetarët.