Prishtinë, 7 shkurt - Zëvendësministri Gecaj dhe Kryetari i Komunës së Hanit të Elezit, Rufki Suma,  nënshkruan  marrëveshje mirëkuptimi për zbatimin e projektit “Ndërtimi dhe rregullimi i përroskës në lagjen e re - Hani i Elezit“.

Në kuadër të mbështetjes financiare për komunat, Ministria e Administrimit të Pushtetit Lokal, do të vazhdojë nënshkrimin e Marrëveshjeve të Mirëkuptimit  edhe me komunat tjera të Kosovës.

Projektet e financuara  nga MAPL, janë të orientuara në ndërtimin e infrastrukturës rrugore, ndriçimin publik, platformën për ofrimin e informacioneve mbi lokacionet turistike, ndërtimin e fushave sportive, dhe projekte të tjera me interes për Komunat dhe qytetarët.