Prishtinë, 3 shkurt - Ministra  e Administrimit të Pushtetit Lokal (MAPL), në bashkëpunim me Programin  e  USAID-it Avancojmë Kosovën së Bashku (AKT), Institutin e Kosovës për Administratë Publike (IKAP) dhe Universitetin Amerikan në Kosovë (AUK), organizojnë ceremoninë e shpërndarjes së certifikatave të zyrtarëve komunal për përfundim të suksesshëm të trajnimit: Cikli i Menaxhimit të Projekteve dhe Kontratave Publike si dhe diskutimit të draft doracakut të punuar nga ekipi i projektit.

Programi i USAID-it AKT, në bashkëpunim të ngushtë me MAPL, IKAP dhe AUK kanë dizajnuar dhe përfunduar me sukses një program Trajnues dhe Certifikues në Ciklin e Menaxhimit të Projekteve dhe Menaxhimin e Kontratave për zyrtarët komunal të prokurimit dhe projekteve në 38 komunat e Kosovës.

Me këtë program, AKT dhe partnerët synojnë përmirësimin e integritetit, cilësisë dhe efektshmërisë së kacapiteteve të menaxhimit të projekteve në nivelin komunal të Qeverisë.

Si rezultat i pëfundimit të suksesshëm të këtij programi, ju ftojnë të merrni pjesë në ngjarjen e organizuar me qëllim të shpërndarjes së certifikatave të zyrtarëve komunal për përfundim të suksesshëm të trajnimit: Cikli i Menaxhimit të Projekteve dhe Kontratave Publike si dhe diskutimit të draft doracakut të punuar nga ekipi i projektit.