Prishtinë, 28 shtator - Ministri i Ministrisë së Administratës Publike, Mahir Yagcilar, ka pritur kryetarin e Sindikatës së Pavarur të Judikaturës së Kosovës Allan Rusinovci, me bashkëpunëtorë.

Në këtë takim ministri Yagcilar dhe krye sindikalisti i SPJ-së, Rusinovci, biseduan për kërkesat e të punësuarve në gjykata dhe prokurori, por edhe për funksionimin e Pallatit të Drejtësisë.

Ministri Yagcilar, u shpreh mirënjohës për vizitën dhe informatat e sindikalistëve për çështjet e lartcekura, duke  siguruar përfaqësuesit e kësaj sindikate se Ministria e Administratës Publike mbetet e përkushtuar në përmbushjen e kërkesave të parashtrua, por edhe për ato për evitimin dhe e vështirësive, që punëtoret hasin herë pas here në Pallatin e Drejtësisë.

Kryetari i Sindikatës së Pavarur të Judikaturës së Kosovës, Rusinovci, duke uruar ministrin Yagcilar, në riemërimin e tij në postin e ministrit të MAP-it,  falënderoi për gatishmërinë e treguar për  bashkëpunim me Sindikatën.

Palët u në takim u dakorduan se do të bashkëpunojnë në realizimin e të drejtave të punëtorëve sindikalë.