Bruksel, 28 nëntor - "Greqia është sërish në rrugën e një borxhi efektiv", u shpreh sot drejtoresha e Përgjithshme e FMN-së, Christine Lagarde pas takimit të Eurogrupit në Bruksel, që vazhdoi edhe gjatë orëve të vona të natës.

 "FMN-ja kërkonte si garanci marrjen e masave të nevojshme nga eurozona, që Greqia të arrinte në rrugën e një borxhi efektiv. Mund të them sot se kjo u realizua", deklaroi Lagarde në një konferencë shtypi.

 Eurozona dhe FMN-ja arritën gjatë orëve të vona të natës një marrëveshje mbi reduktimin e borxhit grek në 124 për qind të Prodhimit të Brendshëm Bruto brenda vitit 2020.