Athinë, 30 gusht - Kryeministri grek, Aleksis Tsipras, kërkon një tjetër reduktim të borxhit shtetëror dhe lehtësim të atyre, që i quan masa shtrënguese të diktuara nga Gjermania.

Në një intervistë për gazetën athinase “Realnews”, publikuar të dielën, Aleksis Tsipras kritikoi Berlinin se funksionon si një lloj banke kursimesh evropiane dhe se po krijon teprica eksesive, ndërkohë që Evropa Jugore vuan nga një rekord papunësie.

“Nëse vazhdojmë kështu, ne do të shohim shumë shpejt rezultate tepër shqetësuese në zgjedhjet dhe referendumet e ardhshme nëpër Evropë”, deklaroi shefi i qeverisë greke.