Zagreb, 17 janar - Kroacia i fajëson borxhet e 60 mijë prej qytetarëve më të varfër, të cilët kanë marrë hua deri më 35 mijë kuna kroate (4.6 mijë euro), por nuk kanë as para, as pronësi të patundshme, me të cilat t’i shuajnë këto borxhe.

Sipas fjalëve të Ministres së Politikës Sociale dhe Rinisë Milanka Opaçiç ky vendim është një mundësi për “një fillim të ri” të këtyre shtetasve. Masa u përket shtresave më të dobëta sociale, invalidëve dhe qytetarëve, të cilët disponojnë të ardhura nën 2500 kuna (326 euro) gjatë tre muajve të fundit.