Prishtinë, 27 shtator -  Presidenti i Republikës së Kosovës Hashim Thaçi se bashku me  Ambasadorin e Shteteve të Bashkuara të Amerikës, Greg Delawie do të nënshkruajnë amandamentimin e Marrëveshjes dypalëshe mbi Grantin e Objektivave Zhvillimore.  

Pjesë e ceremonisë së nënshkrimit të kësaj marrëveshje do të jenë edhe Administratorja e Lartë e USAID-it nga Byroja për Evropë dhe Euroazi, Margot Ellis, Drejtori i misionit të USAID-it në Kosovë, James Hope, etj.

Marrëveshja përfshin përkushtimin e qeverisë së Sh.B.A-ve për të ndihmuar institucionet e Kosovës për të realizuar reformat të cilat do të shtyjnë para zhvillimin e Kosovës.