Cyrih, 2 dhjetor - Sot është nënshkruar marrëveshja ndërmjet Konsullatës së Republikës së Kosovës dhe Qendrës për Përkujdesje të Personave të Moshuar të Qytetit të Cyrihut.

Sipas kësaj marrëveshjeje, parashihet pranimi i kosovarëve për punë praktike në shtëpitë për persona të moshuar, duke filluar nga data 1 prill 2015. Të punësuarit do të kenë kontrata të rregullta pune; do të paguhen dhe do ta kenë të rregulluar çështjen e banimit dhe ushqimit gjatëkohës së qëndrimit në Zvicër.

Për realizimin e këtij projekti paraprakisht është nënshkruar një memorandum i përbashkët mes Ministrisë së Jashtme të Kosovës dhe Ministrisë së Punës dhe Mirëqenies Sociale të Kosovës si garanci për marrjen e përgjegjësive.