Tiranë, 18 janar - Treguesi i besimit i konsumatorit shqiptar ra me 3.9% në tremujorin e katërt të vitit 2014, pas dy tremujorëve kur ai ishte përmirësuar.

Kjo rënie reflekton përkeqësimin e katër treguesve, ndër të cilët bilancin e përkeqësuar të shpenzimeve, ndaj të ardhurave dhe blerjeve të mëdha. Pritshmëria për situatën ekonomike dhe financiare të Shqipërisë gjithashtu ka shënuar një kontribut negativ, ndonëse në masë të vogël.

Albanian Daily News raporton se edhe pritshmëria e konsumatorëve për papunësinë në 6 muajt e ardhshëm të vitit duket pesimiste. Inflacioni shënoi një rritje prej 1.8% në tremujorin e katërt të vitit 2014, nga 1.6% që ishte parashikuar.