Prishtinë, 11 gusht - Oficerët doganor kanë konfiskuar katër aparate për lojëra të fatit pas një lajmërimi nga ana e qytetarëve.

“Pas pranimit të një telefonate anonime në Qendrën Kombëtare të Menaxhimit të Kufirit dogana ka aktivizuar menjëherë njësitë e saj për të ushtruar kontroll në lokacionin e dyshimtë. Kontrolla doganore ka gjetur 4 copë aparate te lojërave te fatit te cilat nuk kishin licencë për këtë veprimtari, kurse pas verifikimeve është konstatuar se as lokali nuk kishte licence adekuate për të ushtruar këtë veprimtari.

\"Aparatet janë konfiskuar, lokali është mbyllur si dhe  lënda ka kaluar në kundërvajtje doganore”, ka njoftuar Dogana e Kosovës.