Romë, 19, dhjetor - Komisioni Evropian nxiti sot Italinë të vazhdojë me politikat që kanë synim reduktimin e borxhit masiv kombëtar të vendit.

Borxhi qeveritar i Italisë arrin në 126 për qind në kuadër të Produktit të Brendshëm Bruto (GDP) dhe e ka kapërcyer nivelin tavan prej dy trilionë eurosh për ketë të parë në tetor, kur arriti një shifër rekord prej 2.014 trilionë eurosh.

Dhe kjo shifër kaq e lartë është arsyeja që Italia ka qenë e ekspozuar ndaj krizës së borxheve në eurozonë.

Qeveria teknokrate e emergjancës e kryesuar nga kryeministri Mario Monti ka miratuar masa të shtrëngimit ekonomik për reduktimin e deficitit për ta çuar Italinë në rrugën e balancimit të buxhetit të saj kombëtar, që i mundëson Romës kapacitetin për të filluar me reduktimin e nivelit të borxhit.

\"Në bazë të politikave aktuale, borxhi do të shkojë drejt një grafiku në rënie nëse flitet për terma afatmesme dhe më tej\'\', theksonin burime nga Komisioni Evropian.