Sarajevë, 11 dhjetor - Komisioni Europian (KE) përgjysmoi financimet për Bosnjë Hercegovinën, pasi vendi dështoi të amendonte kushtetutën.

Zv/drejtori i përgjithshëm për çështjet e zgjerimit në Bruksel, Joost Korte tha se kjo ishte hera e parë që Komisioni merrte një vendim të tillë.

Brukseli do të reduktojë fondet në vlerën e 62 milion dollarëve, ndërkohë që edhe marrëveshja e financimeve për periudhën 2014-2020 është në rrezik.

Korte, i cili u takua me zyrtarë të lartë të Sarajevës, paralajmëroi se nëse nuk merreshin masa, dënimet do të vijonin.

\"Mos nënvlerësoni as pasojat politike\", deklaroi zyrtari i Komisionit Europian.