Bruksel, 26 shtator - Disa shtete evropiane kanë njoftuar se kanë vendosur që të ndihmojnë Sirinë me 431 milionë dollarë, raporton Associated Press.

Një komunikatë e publikuar të mërkurën nga komisioneri evropian për bashkëpunim ndërkombëtar gjithashtu ka shprehur “shqetësimin shumë të madh” për përkeqësimin e situatës në shtetin e rrënuar nga lufta civile.

I njejti ka thënë se deri në fund të këtij viti gjysma e popullatës në Siri do të ketë nevojë për ndihma humanitare.

Britania, Gjermania, Franca, Italia, Danimarka, Luksemburgu, Spanja, Holanda dhe Komisioni Evropian kanë kontribuar për këtë ndihmesë të re humanitare.