Pekin, 25 nëntor - Prodhuesit japonezë të makinave në panairin e Guangzhout thanë se protesta antijaponeze në Kinë ndikuan negativisht në shitjen e automjeteve, teksa kompanitë e tjera raportuan për rritje të shitjeve.

\"Nissan\", \"Honda\", \"Toyota\" dhe \"Mazda\" thonë se blerjet u ngadalësuan muajin e kaluar, duke e ulur në 17% pozicionin e kompanive japoneze në tregun kinez.

Noriaki Yamada, është drejtori i Mazdas për Kinën.

\"Deri më tani shitjet tona fatkeqësisht kanë qënë më të ulta në krahasim me vitin e kaluar për shkak të ngadalësimit të tregut dhe rrethanave të tjera\", tha ai.

Kompanitë e tjera si \"Great Wall Motor\" e \"Ford\", thanë se shitjet e tyre u rritën.