Prishtinë, 13 mars - Deputeti i Partisë së Drejtësisë, Gëzim Kelmendi në seancën e sotme parlamentare, ka përshëndetur vendimin e Qeverisë së Republikës së Kosovës për  rritjen e pagave, mirëpo ka kundërshtuar ashpër që kjo ngritje t’i përfshijë edhe deputetët, kryeministrin, presidentet dhe kategoritë tjera politike.

Kelmendi, është njëri ndër deputetët e rrallë që edhe më parë ka qenë kundër çdo lloji privilegji për deputetët, duke thënë se edhe ashtu deputetët janë më të privilegjuarit.

Sipas tij, kjo rritje e dedikuar për deputetë dhe zyrtarë tjerë politik t’i dedikohet kategorive tjera të shoqërisë.