Klinë, 23 mars - Lagjja Kirellaj dhe Fejzullahu, të fshatit Shtupel të Klinës janë shkyçur nga rrjeti elektrik nga ekipet e KEK-ut që dy javë.

Zyrtarët e KEK-ut në Klinë kanë deklaruar për “ekonomia-ks.com” se deri te shkyçja nga rrjeti elektrik ka ardhur si pasojë e borxhit të banorëve.

Ndërkaq në anën tjetër, banorët e këtij fshati shqiptar dhe të komunitetit RAE, kanë thënë se KEK-u nuk duhet t’i shkyç konsumatorët e ndershëm.

“Do të protestojmë para zyrave të KEK-ut, nëse rryma nuk lëshohet. Ne jemi pagues të rregullt të rrymës, prandaj edhe nuk duam të rrimë në terr”, kanë thënë disa nga banorët e fshatit Shtupel.