Strasgurg, 17 korrik - Parlamenti Europian në Strasburg miratoi të mërkurën një rezolutë, ku mbështet Lituaninë të bëhet pjesë e vendeve të bllokut. Nëse ndodh kjo atëherë Lituania do të bëhet anëtarja e 19-të e vendeve të Eurozonës.

Në rezolutë theksohet se Lituania plotëson të gjitha kriteret për t\'u bërë pjesë e Eurozonës: Norma mesatare vjetore e inflacionit është 0.6% (më e ulët se norma e kërkuar prej 1.7%).

 Gjithashtu, në vitin 2013 Lituania kishte një deficit prej 2.1% (më i ulët se 3%), borxhi publik zë 39.4% të GDP-së (shifër kjo shumë më poshtë se kufiri i parashikuar prej 60%).

Sipas studimeve të fundit nga \"Eurobarometri\" është rritur numri i lituanezëve që janë optimistë për futjen në Eurozonë. Në muajin prill, 46% e të anketuarëve përkrahën pjesëmarrjen e Lituanisë në Eurozonë.