Bruksel, 7 janar - Komisioni Evropian (KE) nuk disponon të dhëna për një valë të punonjësve bullgarë dhe rumunë në vende të tjera të BE-së.

Në një konferencë shtypi në Bruksel këtë e deklaroi Xhonatën Tod (Jonathan Todd), zëdhënës i komisionarit evropian për punësim, çështje sociale dhe përfshirje në KE, Laslo Andor (Laszlo Andor).

Ai nënvizoi se deri në datën 1 janar kishte kufizime në punësimin e bullgarëve dhe rumunëve në nëntë vende anëtare të BE-së, mes të cilave edhe Britania e Madhe. Nuk parashikohen më kufizime suplementare, bëri me dije zëdhënësi.

Ai citoi të dhëna, sipas të cilave pjesa bazë e bullgarëve dhe rumunëve, e cila ka dashur të punojë në vende të tjera të BE-së, tashmë e ka bërë ketë.

Shumë sondazhe të pavarura tregojnë se, emigrantët kontribuojnë në ekonominë vendase dhe në sistemin social, tha Xhonatën Tod.