Prishtinë, 7 shkurt - Të shtatë kandidatët të cilët kanë kandiduar për Guvernator të Bankës Qendrore të Kosovës (BQK) sot do t’i nënshtrohen intervistës para panelit.

Zyrtarët e BQK-së kanë thënë se këta kandidatë i kanë plotësuar kriteret teknike për postin e Guvernatorit.

Kryetari i Bordit të BQK-së, Sejdi Rexhepi ka thënë se të shtatë kandidatët janë ftuar për intervistë pasi kanë plotësuar vlerësimet teknike, sipas nenit 40 të Ligjit për Bankën Qendrore.

Në garë për Guvernator të BQK-së përveç ish-ministrit Bedri Hamza, guvernatorit aktual Gani Gërguri janë edhe Valentin Toçi, Safet Merovci, Xhemajl Gashi, Flamur Keqa dhe zëvendësguvernatori Nexhat Kryeziu.