Prishtinë, 26 mars - Presidentja e Republikës së Kosovës, zonja Atifete Jahjaga dekretoi sot emërimin e Bedri Hamza në pozitën e Guvernatorit të Bankës Qendrore të Republikës së Kosovës.

Sipas njoftimit të zyrës së presidentes dekretimi u bë duke u bazuar në nenin 84, pika 27 të Kushtetutës së Republikës së Kosovës, në nenin 38, paragrafët 1 dhe 2 të Ligjit 03/L-209, për Bankën Qendrore të Republikës së Kosovës, si dhe duke u bazuar në Vendimin e Kuvendit të Republikës së Kosovës nr.04-V-551, të datës 14 mars 2013, të pranuar në Zyrën e Presidentes më datë 25 mars 2013.