Romë, 7 qershor - Kreu i Komisionit Ekonomik të ''Standard and Poor's'' për Evropën, Jean-Michel Six u shpreh të enjten se "Italia ndodhet në një situatë reale ngërçi për kreditimin".
    
Ai shtoi se 2013-a do të jetë një tjetër vit recesioni për Italinë, ku agjencitë e parashikimit të indekseve të rritjes ekonomike do të japin shifra të një rritjeje negative prej 1,5 për qind për këtë vit.

''Në vitin 2014 do të shohim hapat e para të një rritjeje të dobët ekonomike'', deklaroi Six gjatë një konference në Milano.

''Baza për një ripërtëritje reale të ekonomisë mund të vijë, mbi të gjitha, nga një koordinim i dukshëm monetar, bankar dhe fiskal në eurozonë'', theksoi ai.