Bruksel, 9 korrik - Ministri i Financave i Italisë, vendi kryetar i radhës i BE-së, Pier Karlo Padoan, u shpreh të martën se do të vazhdojë nxitja e reformave strukturore në BE dhe e investimeve publike dhe private, për të krijuar më shumë vende pune.

Në përfundim të një takimi të ministrave të financave të BE-së, Padoan vuri në dukje se, për të nxitur rritjen ekonomike dhe shtimin e punësimit, detyra kryesore e BE-së është thellimi i reformave strukturore në vendet anëtare të saj.

Italia, ekonomia e tretë më e madhe në Eurozonë, mori në fillim të këtij muaji presidencën e BE-së, por niveli i borxhit në këtë vend ka arritur mbi 100 %.