Prishtinë, 30 janar - Kampanja bamirëse “Pije një kafe me skamnorët” që u organizua nga shoqata humanitare ‘Islamic Relief Kosova’, doli të jetë mjaftë e suksesshme.

Nga paratë e mbledhura në këtë kampanjë, u furnizuan disa familje tejet skamnore në kryeqytet me ushqim por edhe gjëra themelore për pastrim.

Familjarët që përfituan nga kjo nismë u shprehën falënderues ndaj qytetarëve që dhanë kontributin, e që lumturia dhe gëzimi shihej edhe në fytyrat e tyre.

Organizatorët e kësaj kampanje edhe njëherë apeluan tek të gjithë qytetarët e vendit që të vazhdojnë të zgjatin dorën e bamirësisë, ngase familjet që kanë nevojë për ndihmën e shoqërisë sa vijnë e shtohen.

Njëkohësisht organizatorët pohuan se iniciativa të tilla do të ndërmarrin edhe në të ardhmen.