Ferizaj, 23 prill - “Të bërit biznes në regjionin e Ferizajt”, ishte tema e Forumit Biznesor të organizuar nga Aleanca e Biznesve të Kosovës dhe Kolegji Universitar Universum.

Agim Shahini, kryetar i Aleancës së Bizneseve të Kosovës, tha se kjo ngjarje ëhstë shumë e rëndësishme  për zhvillimin  ekonomik të këtij regjioni. Sipas tij nga hulumtimet  që kanë bërë AKB-ja  tregojnë se Ferizaj është njëra ndër  komunat më të mira për investime dhe kjo është një shembull shumë i rëndësishëm.

“Hulumtimet tona tregojnë  se ky regjion është e dyta edhe për rritje pagash në nivel të Kosovës dhe është një vend potencial  për investime dhe bizneset  duhet ta shfrytëzojnë. Me të drejtë  Qeveria e Kosovës, duhet  të   jetë reformatore  dhe të bëjë reforma të thella, sepse ka probleme”, tha Agim Shahini.

Kreu i AKB-së, shtoi se  stacioni i inestitorëve duhet të mbetet Kosova e jo siç po ndodh që bizneset  të ikin në shtet për rreth.  Synimi kryesor mbetet zhvillimi I shtetit.  Bizneset  tona po rrjedhin ngadal si lumë , por sigurtë, por këkrohen refoma të thella për zhvillimin ekonomik.

Besim Beqaj, ministër i Zhvillimit Ekonomik, tha se bizneset  kanë sakrifikuar çdo gjë vetëm vetëm për të  hapur vende pune dhe zhvillimin ekonomik. 

“Qeveria e Kosovës, është e interesuar për zhvillim ekonomik të gjithanshëm të Kosovës. Dëshirojmë që program për zhvillim ekonomik  të mos mbetet vetëm I qeverisë, por edhe atyre që fuqizojnë biznesin dhe zhvillimin ekonomik”, tha Besim Beqaj.  Sipas tij zhvillimi ekonomik nuk është vetëm detyrë e qeveroisë, por e atyre që zhvillojnë atë dhe për të bërë një mjedisë  të qëndrueshëm  e adekuatë edhe me legjislacion. “Ne po bëjmë reformat ë thella për zhvillimin ekonomik”, tha ministry I Zhvillimit Ekonomik.

Suat Berisha, kryetar I Bordit Drejtues të Universitetit Universum, tha se ideja për  organizimin e këtij forumi, ka për qëllim të shkëmbimit të përvojave dhe mundësive për nxitje më të madhe për një zhvillim më dinamik dhe të qëndrueshëm ekonomik të regjionit të Ferizajt.

“Nga hulumtimet tona  rezulton se ky regjion  disponon me kapacitetet dhe potencial të mirë sitë bizneseve  ashtu edhe të  resurseve humane dhe infrastrukturore për shtimin e ndërmarrësve të rinjë dhe krijimin e ndërmarrjeve të mesme dhe të vogëla”, tha Suat Berisha. Ai shtoi se  komuniteti i biznesit duhet të bëjë përpjekje shtesë  për inicimin e projekteve të reja  dhe të jetë  kërkues i vazhdueshëm kundrejt dikastereve qeveritare e lokale.  Ai këkroi që krahas  avancimit politik të shfrytëzohen shansat edhe për avancimin e fuqishëm ekonomik  të shtetit të Kosovës.