Institucionet mikrofinanciare kanë 113.2 milion euro
"Rënia vjetore e aseteve i atribuohet kryesisht aktivitetit më të ngadalshëm kreditor. Në dhjetor 2013, gjithsej kreditë dhe lizingjet e IMF-ve shënuan rënie vjetore prej 4 përqind."
"Rënien vjetore më të theksuar e shënuan kreditë për biznese prej 17.4 përqind, pasuar nga kreditë për ekonomitë familjare me 0.6 përqind. Lizingjet, në anën tjetër, vazhduan rritjen ku në dhjetor 2013 shënuan normë vjetore të rritjes prej 6 përqind", thuhet në raportin e vlerësimit Tremujor të Ekonomisë të BQK-së.
Mesatarja e normës efektive të interesit për kredi të reja të lëshuara nga IMF-të në vitin 2013 shënoi rënie në 23.2 përqind nga 23.5 përqind në vitin 2012. Të hyrat e sektorit gjithashtu shënuan rënie.
Në dhjetor 2013, sektori realizoi të hyra prej 19.1 milionë euro, që paraqet rënie vjetore prej 8 përqind ne krahasim vitin paraprak (20.8 milionë euro në 2012).
Sidoqoftë, shpenzimet gjatë vitit 2013 shënuan rënie vjetore më të theksuar prej 23 përqind, duke ndikuar që sektori të ngushtojë humbjen në 0.3 milionë euro krahasuar me 4.5 milionë në TM4 2012.
