Prishtinë, 3 mars -Kryeshefi ekzekutiv i Ndërmarrjes Hidroekonomike “Ibër-Lepenc”, Hajdar Beqa, ka deklaruar se ndërmarrja të cilën e drejton i ka ndërmarrë të gjitha veprimet e nevojshme për pastrimin e kanalit në gjatësi prej 50 kilometrash Mihaliq-Besi-Çagllavicë, i cili shtrihet në territorin e katër komunave, Vushtrri, Prishtinë, Obiliq dhe Graçanicë.

Beqa në këtë intervistë për “Epokën e re” ka deklaruar se është bërë pastrimi i të gjithë kanalit, mirëpo për t’u realizuar furnizimi me ujë kualitativ nga Liqeni i Ujmanit duhet bërë sanimin e gypit prej stacionit pompik në Çagllavicë e deri në liqenin e Badocit.

Beqa ka bërë me dije se Ndërmarrja Hidroekonomike “Ibër-Lepenc” Sh.A. ka një performancë pozitive në raport me planifikimin dhe pothuajse çdo vit ka pasur tejkalim të planit të hyrave.