Prishtinë, 9 tetor - Sot,  në Drejtorinë e Doganës së Kosovës u mbajt ceremonia e pranim dorëzimit të detyrës ndërmjet Naim Huruglica dhe drejtorit të ri Lulzim Rafuna.

Pas përfundimit të procedurave dhe zgjedhjes së drejtorit të përgjithshëm të Doganës së Kosovës, sot në mënyrë zyrtare u bë edhe transferim i detyrave nga Huruglica te Rafuna.

Me këtë rast drejtori në largimi z. Huruglica shprehi falënderimin e tij për punën e stafit gjatë viteve dhe përkrahjen që i kanë dhënë Doganës dhe Kosovës në përgjithësi.

Gjithashtu, drejtori i deritanishëm Huruglica  i uroj Rafunës punë të mbarë dhe kërkoj që të arriturat e deritashme të bëra nën udhëheqjen e tij të tejkalohen, ashtu që dogana të vazhdojë të mbetët një institucion i suksesshëm. 

Nga ana tjetër, Rafuna falënderoj ish drejtorin për angazhimin e tij gjatë këtyre viteve dhe kontributin e pamohueshëm në ndërtimin e një dogane moderne. 

Lulzim Rafuna është 38 vjeçar, i martuar dhe baba i dy fëmijëve, ai me profesion është Jurist i diplomuar.

Rafuna i takon gjeneratës së parë të oficerëve doganor të certifikuar në vitin 2000.