Prishtinë, 20 maj - Ministri i Financave Avdullah Hoti priti sot në takim Komisionin Qeveritar për Persona të Pagjetur i kryesuar nga Prenk Gjetaj, kryetar i këtij Komisioni. Në këtë takim u bisedua për vështirësitë për gjetjen e të zhdukurve dhe funksionimin e Komisionit për të Pagjeturit në Kosovë.

Gjatë këtij takimi gjithashtu u diskutua edhe për numrin e  personave të pagjetur ku sipas përfaqësuesit të Komisioni është 1665 persona të pa gjetur,  për të cilët nuk ka të dhëna se ku gjenden, po ashtu gjendja sa shkon e vështirësohet,  pasi çdo ditë gjurmët po humbin dhe po bëhet më e vështirë gjetja e tyre.

Gjithashtu  palët në këtë takim u dakorduan se funksionimi edhe në të ardhmen  i këtij Komisioni është i  domosdoshëm dhe se mbështetja buxhetore nga ana e Qeverisë nuk do të mungoj deri në zbardhjen përfundimtare të personave të zhdukur gjatë luftës së fundit në Kosovë.