Prishtinë, 24 nëntor -  Ministri i Financave, Avdullah Hoti ka pritur sot në takim kurtuazie Ambasadorin e ri austriak në Prishtinë Gernot Pfandler, ku kanë biseduar lidhur me thellimin e bashkëpunimit në mes të dy vendeve.

Në këtë takim njoftues, ministri Hoti e njoftoi Ambasadorin Pfandler për masat që ka marr Qeveria e Kosovës për ndryshimin e ligjeve të cilat mundësojnë dhe ndikojnë në krijimin e kushteve më të mira për të bërë biznes si dhe tërheqjen e investimeve të huaja në Kosovë.

Ministri Avdullah Hoti falënderoi ambasadorin austriak për mbështetjen e përhershme që shteti i Austrisë i ka dhënë Kosovës dhe  shprehi gatishmërinë e tij si Ministër i Financave për vazhdimin dhe thellimin e mëtutjeshëm të  bashkëpunimit ndër institucional.

Ndërsa, Ambasadori austriak Gernot Pfandler,  e falënderoi Ministrin për pritjen  dhe shprehi gatishmërinë e tij dhe të shtetit Austriak për mbështetjen edhe në të ardhmen të institucioneve të Kosovës në rritjen  bashkëpunimit në aspektin ekonomik dhe politik.