Hapet takimi B2B me qellim rritjen e punësimit të grupeve në nevojë
Kjo grant skemë e Ministrisë së Punës dhe Mirëqenies Sociale e përkrahur nga Bashkimi Evropian, ka rezultuar me një varg ndërmarrjesh sociale dhe kompani të vogla.
Këto ndërmarje të cilat janë të pajisura me teknologji të duhur dhe kanë kaluar nëpër një varg trajnimesh, tanimë janë duke prodhuar produkte cilësore të cilat janë të gatshme për tu plasuar në treg.
Gjatë tre viteve të fundit, BE-ja në bashkëpunim me Ministrinë e Punës dhe Mirëqenies Sociale ka menaxhuar në mënyrë efektive programin mbështetës për rritjen e punësimit të grupeve të cenueshme.
Programi, me vlerë prej më shumë se 4 milionë euro kishte për qëllim kryesisht gratë, të rinjtë, minoritetet, personat me nevoja të veçanta dhe personat që jetojnë në zonat e largëta.
Të njëmbëdhjetë idetë për biznes të praktikuesve lokalë janë transferuar në projektet e BE-së dhe janë zbatuar në tërë Kosovën, ku qindra njerëz u trajnuan, inkurajuan për të zhvilluar plane për të filluar biznesin e tyre dhe për të zbatuar këto plane me një shkallë të vogël bashkëfinancimi nga BE-ja.
Janë krijuar shumë shembuj interesantë të "ndërmarrjeve shoqërore” të cilat tani janë në kërkim të një vendi të favorshëm në mjedisin e biznesit të Kosovës.
