Hapet Panairi Financiar 2015
Hapja solemne u bë në hollin e Pallatit të Rinisë, me ç’rast guvernatori i Bankës Qëndrore, Bedri Hamza si dhe kryetari i bordit të Shoqatës së Bankave, Ilir Aliu mbajtën fjalimin hyrës.
Në fjalën e tij hyrëse, Hamza theksoi rëndësinë e Panairit Financiar si dhe nënvizoi se roli i sistemit financiar në mbështetje të zhvillimit ekonomik të vendit ka shënuar përmirësim të mëtejmë në periudhën e fundit dhe atë kryesisht në saje të zhvillimeve në kuadër të aktivitetit të sektorit bankar.
Kreditimi i sektorit bankar ka vijuar të ndjekë një trend dukshëm më të shpejtë të rritjes, tha guvernatori Hamza.
Hapja solemne e Panairit u bë edhe nga kryetari i bordit të Shoqatës së Bankave të Kosovës, Ilir Aliu i cili në fjalen e tij hapëse tha se panairi është mundësi e mirë për dialog mes konsumatorëve dhe sektorit financiar, që të shohin inovacionet e zhvillimit në sektorin bankar. Ai po ashtu foli edhe për risitë që ka sjellë këtë vit panairi.
Panairi Financiar i Kosovës është i hapur për vizitorët sot 29 shtator dhe nesër më 30 shtator deri në ora 18:00, në Pallatin e Rinisë në Prishtinë.
