Washington, 12 tetor - Guvernatori  i Bankës Qendrore të Kosovës z. Bedri Hamza po merr pjesë në takimet e rregullta vjetore të Fondit Monetar Ndërkombëtar dhe të Bankës Botërore të cilat janë duke u zhvilluar  në Washington D.C.

Krahas pjesëmarrrjes  në sesionin plenar  të  FMN-së  dhe Bankës Botërore, Guvernatori Hamza ka marrë pjesë edhe në mbledhjet e konstituencave përkatëse në FMN dhe Banken Boterore si dhe është takuar me drejtorin ekzekutiv të konstituencës për Evropen Qëndrore dhe Lindore në FMN, Johan Prader, pastaj me zëvendësdrejtoreshën e FMN-së, znj.Nemat Shafik, me ushtruesën e detyrës së zëvendëspresidentës së Bankës Botërore, znj. Laura Tuck si dhe më përfaqësues të Departamentit të Thesarit Amerikan dhe përfaqësues të Departamentit të Shtetit Amerikan.

Gjithashtu, Guvernatori Hamza ka zhvilluar  takime bilaterale me guvernatorë të bankave qëndrore të regjionit dhe  më gjërë.Gjatë këtyre takimeve me përfaqësues dhe  zyrtarë të lartë  përkatës janë vlerësuar pozitivisht zhvillimet ekonomike dhe të sektorit financiar në Kosovë.

Gjithashtu, gjatë këtyre takimeve Guvernatori Hamza ka marrë mbështetje të këtyre institucioneve për realizimin e projekteve në proces dhe projekteve të reja në të ardhmen e  të cilat do i kontribuojnë drejtpërdrejtë  zhvillimit të metutjeshëm  të sektorit financiar në Republikën e Kosovës.