Athinë, 7 maj - Kryeministri grek, Antonis Samaras e konsideron tregun kinez si një mundësi për të kërkuar ndihma për ekonominë e rënduar të Greqisë.

Zyra e shtypit e kryeministrisë në Athinë ka bërë të ditur se Samaras do zhvillojë një vizitë zyrtare katërditore në Pekin, në datat 15-19 maj.

I ftuar nga presidenti kinez, Samaras ka si synim zgjerimin e programit të studiuar nga qeveria e tij për të lehtësuar mbërritjen e investimeve të reja nga vendet e huaja në Greqi.

\'\'Bëhet fjalë për një vizitë të rëndësishme që do të mund të kontribuojë në përmirësimin e bashkëpunimit mes dy vendeve\'\', deklaroi nënsekretari grek i Shtetit për Zhvillimin, Notis Mitarakis.