Prishtinë, 11 maj - Auditori Gjeneral, në raportin për Gjykatën Kushtetuese, ka gjetur se zyrtarët e këtij institucioni nuk kanë kursyer fare në telefon.

Vitin e kaluar kjo gjykatë shpenzoi mbi 40 mijë euro për këto shërbime, duke shkelur kështu Udhëzimin Administrativ për këtë punë. Auditori rekomandon që këto shërbime të mos kalojnë limitin.

Zyrtarët e Gjykatës Kushtetuese kanë shpenzuar jo më pak se 40 mijë euro telefon vitin e kaluar. Auditori Gjeneral ka gjetur se Gjykata Kushtetuese ka tejkaluar limitet e lejuara të shfrytëzimit të telefonit, duke bërë shkelje të Udhëzimit Administrativ për përdorim të telefonave, raporton Express.

“Shpenzimet e telefonisë mobile për vitin 2011 ishin në vlerë prej 40,267euro dhe duke pasur parasysh praktikat në institucionet tjera të pavarura si dhe rishikimeve tona. Analitike, vijmë në përfundim se shpenzimet janë të larta”, thuhet në raportin e Auditorit për GJKK’në.